Ngopene Bhasa Ebhu menangka Tareka Ngajhum Bhangsa
 |
| Amaliyah Hasanah saat menerima penghargaan |
Assalamu’alaikum Warahmatullahi Wabarakatuh.
Alhamdulillahirabbil alamin wabihi nasta'inu ala umuriddunya waddin wassholatu wassalamu ala asyrofil anbiya'i wal mursalin sayyidina Muhammadin wa ala alihi wa shohbihi ajma'in. Amma ba'du.
Saleraepon se molja dewan juri...
Kaonjuga saleraepon para guru...
Para Rabu se same-same emolja'agi Allah.
Kabidhan ator, ngereng areng-sareng ngatorraghi okara pojhi sokkor alhamdulillah da’ ajunannepon Allah se amorbha jhaghat, amargha bhadhan kaula sareng para ajunan salgghi’ kapareng bherkat omor, se abhunggher cengngar bhinar pada sama Rambha.
Sholawat sareng salam samoga'a tettep eatoragi dha' ajunan se molja Nabi Muhammad SAW, se kaonang ate tennang, kaponjuk sadaja ummat tor se ampon andaddiyagi obur sareng kaca kebbang dha' kaula sadaja e dunyya kantos akherat.
Sakone' kaula maemot dha' ajunan sadaja ja' basa Madura ka'dhinto ampon on-laon elang dhari oca' re-sa’are, husussepon neng Kottha Songennep. Aponapa ma' ekoca'agi elang on-laon? Amarga ampon bannya' na'-kana' ngongodhadan se arassa todhus aguna'agi Bhasa Madura. Bannya' oreng seppo se ampon ngajari pottrana Bhasa Inggris, Bhasa Jerman tor laennepon, ta' sakone' potra-potre madura se epatoman abhasa Indonesia, la-mala ampon ekabidi dhari na'-kana' TK.
Para Rabu se same molja,
Ngopene bhasa Madhura dalem hal paneka bhasa ebhu, banne ghun pakakas dalem abhanta da’ pasera’a bisaos, bhasa ebhu paneka tamonena nyaba, gambarranna ate, serta wujud dari karakter settong bhangsa. Bada dalem oca’ parebhasan, “Bhasa notthuwaghi Bhangsa” searte epon manabi Bhasana sae, maka dhrajhaddha bhangsana jhughan tengghi. Manabi Bhasana elang, maka jathidhiri otaba identitas bhangsa kasebbhut jhughan bakal elang.
Para Rabu se same molja,
Tantangan meyara bhasa Madhura edalem jaman samangken sajan berra’, bannya' na'-kana' ngongodhadan se ampon ngarassa kerras otaba todhus aghuna’aghi Bhasa Madhura se sae. Mela darika’dinto da’pasera’a bisaos wajib ka angguy arabat bhasa ebhu tor bangaseppo se ampon para' tadha’a, katopowan sareng bhasa se dhari lowar, bhasa se kasambat gaul tor samacem mepon. Kadinapa carana arabat bhasa sopaja tettep kalonta? Ngereng kabidi baja samangken, areng-sareng gadhuwan neyat ikhlas kaangguy merte tor gumate dhalem malanggeng tor masekken bhasa Madura.
Para rabu se same parjuga.
Menorot pamanggi badan kaula enggi ka'dhinto badha tello' tareka se kodu epeyara tor epatombu nojju bagussa kabadha'an magarsare se bakal dhateng se akor sareng ngajum bhangsa matombu bhasa;
Se sapesan: nyara pabinareng, ngobbar gumate para moret sopaja ajar bhasa Madura se lerres. Same-same alampa'agi ondhagga basa se ampon akor sareng atoran. Se ebukteyagi kalaban abadhi kasaroju’an e sakola’an, contoepon program JAMU (Jhum’at Amadhura) seka’dimma guru sareng mored ewajibbaghi aguna’agi Bhasa Madhura e sabben are Jum’at.
Se kapeng dhuwa’ enggi ka’dhinto; molae dhari aba’ dibi’, guna’agi Bhasa Madura e compo’ bang-sebangnga, pabiyasa tor-mator kalaban Bhasa Madura, ka potra/potre, ka oreng seppo tor tatangga (magarsare). Kantos Bhasa Madura ka’dhinto kapereng terros e antarana bhasa-bhasa manca.
Se kapeng tello’; manfa’attaghi Media Sosial khusus na'-kana' ngongodhadan kangguy ngenallaghi kabhaghusanna Bhasa Madhura tor kabhudhajhan saengghana kalonta dha’ naghara manca.
Para rabu se same parjuga.
Manabi bhadankaule sareng ajunan meyara bhasa ebhu, engghika’dinto ampon ajagha tangka ban budhajha Madhura, Manabi budhajana kowat, maka nagara paneka bhakal kowat. Bhangsa se molja paneka bhangsa se malepen ka asal-osolla, se ta’ loppa da’ Bhasa lesanna ebhuna dhibi’. Tor pangarep e bingkeng are Bhhasa Madhura bakal tettep daddi basa Ebhu se ta’ bhakal elang sampe’ aher jaman. Paleng bunten song-osong lambung, areng-sareng nyo’on Lella, petodu, kakowadan tor kalodhangan dhari Allah se Maha Pangaraksa kantos basa Madura daddi basa sekalonta.
Para rabu se same parjuga.
Saka'dhinto tor-ator dhari badan kaula. Sakone', namong moga abakta'a barokah tor kasaeyan dha' kaula sadaja, manabi badha aeng seramma Lorong, panabussa teppal pamator jugan korang sonduk dha' panggaliyan para pangrabu abdina nyo'ona pangapora.
Du ma' ellang-ellang bhiru
Tada' ellang maradhara
Du ma' palang-palang gellu
Mon pas elang bhasa Madura
Wassalamualaikum wr.wb
* Teks pidato Amaliyah Hasanah yang mengantarkannya memenangi lomba pidato bahasa Madura tingkat Kabupaten Sumenep
Tags :
Lutfi
MEDIA SMAS PLUS MIFTAHUL ULUM
Ditunggu ide-idenya pada kolom komentar sebagai ikhtiar bersama meningkatkan kualitas pendidikan
- Lutfi
- Jl. Pesantren No. 11 Tarate Pandian Sumenep
- smaplusmu@gmail.com
- 085233233188
Posting Komentar